«Дос-Кредобанк» ААК жана Климаттык каржылоо борбору стартегиялык өнөктөштүктү түзүштү

«Дос-Кредобанк» ААК жана Климаттык каржылоо борбору стартегиялык өнөктөштүктү түзүштү

«Дос-Кредобанк» ААК жана Климаттык каржылоо борбору Өз ара түшүнүшүү жана кызматташтык жөнүндө меморандумга кол коюшту.

Ушул Меморандумдун максаты стратегиялык өнөктөштүк мамилелерди түзүү жана Тараптардын төмөнкүлөргө багытталган узак мөөнөттүү натыйжалуу кызматташтыгын өнүктүрүү болуп саналат:

• климаттык инвестицияларды тартуу маселелери боюнча өз ара аракеттенүү
• климаттын өзгөрүшү жаатындагы биргелешкен демилгелерди ишке ашыруу
• экологиялык багыттагы программаларды жана долбоорлорду киргизүү

Бул «жашыл» долбоорлорду колдоого жана Кыргызстандын экономикасын туруктуу өнүктүрүүгө багытталган банктын ESG-стратегиясын ишке ашырууга карай маанилүү кадам болот.

Кызматташтыктын негизги багыттары:

• Кайра жаңылануучу энергетика жана энергиялык майнаптуулук жаатындагы долбоорлорду каржылоо программаларын өнүктүрүү
• Көмүртектин издерин азайтуу жана климаттык өзгөрүүлөргө ыңгайлашуу боюнча демилгелерди колдоо
• Банктын корпоративдик жана кредиттик саясатына экологиялык стандарттарды киргизүү

«Климаттык каржылоо борбору менен өнөктөштүк бизге бизнес жана калк үчүн «жашыл» финансылык чечимдерге жетүү мүмкүндүгүн кеңейтүүгө мүмкүндүк берет деп ишенебиз», — деп белгиледи «Дос-Кредобанк» ААК Башкармасынын Төрагасы Өмүралиев Т.Э.

Меморандум төмөнкүлөр үчүн негизди түптөйт:

• экологиялык долбоорлорго инвестицияларды тартуу боюнча биргелешкен иш
• Кыргызстанда туруктуу өнүктүрүү максаттарына жетүү
• улуттук багыттагы климаттык программаларды ишке ашыруу

«Дос-Кредобанк» ААК жоопкерчиликтүү каржылоо принциптерин сактайт жана өзүнүн узак мөөнөттүү стратегиясынын бир бөлүгү катары ESG-багытын өнүктүрүүнү улантат.

Биздин «жашыл» демилгелер жөнүндө кеңири маалымат:
https://www.dcb.kg/kg/green/list/