“Дос-Кредобанк” ААК Бакуда эл аралык финтех-форумда түрк мамлекеттеринин бирдиктүү санарип капчыгын түзүү демилгесин көтөрдү

“Дос-Кредобанк” ААКтын Башкарма төрагасы Талантбек Омуралиев Бакуда өтүп жаткан эл аралык финтех-миссияга катышты, иш-чарада түрк мамлекеттери үчүн бирдиктүү санарип капчыкты түзүү демилгесин көтөрдү жана эл аралык банктык кызматташтыкты кеңейтүү перспективаларын талкуулады.

2026-жылдын 12-октябрынан 14-октябрга чейин Бакуда (Азербайжан) Түрк мамлекеттеринин финансылык технологиялар альянсы (TÜRKFİN) тарабынан уюштурулган, Baku Fintech Sector Trade Mission эл аралык форуму өтүп жатат. Иш-чара инновациялык төлөм чечимдерин, санарип интеграцияны талкуулоо жана өлкөлөр ортосунда финансылык кызматташтыкты өнүктүрүү үчүн банк жана финтех-секторлордун өкүлдөрүн бириктирди.

Бирдиктүү санарип мейкиндик демилгеси

13-октябрда “Дос-Кредобанк” ААКтын Башкарма төрагасы Талантбек Омуралиев “Жаңы муундун төлөм тренддери: төлөмдөрдүн келечеги” эл аралык панелдик сессиясынын спикери катары сөз сүйлөдү.

Өз сөзүндө ал эл аралык деңгээлде жарандардын финансы сервистери менен ыңгайлуу жана жеткиликтүү өз ара аракеттенүүсү үчүн негизди түзүүгө мүмкүндүк бере турган, түрк мамлекеттери үчүн бирдиктүү санарип капчыкты түзүү мүмкүнчүлүгүн кароону сунуштады.

Анын айтуусунда, толук кандуу санарип интеграциялоо үчүн өздүгүн тастыктаган документтерди өз ара таануу гана эмес, бирдиктүү жөнгө салуу платформасын түзүү, ачык технологиялык протоколдорду өнүктүрүү, банктык жана төлөм системаларынын ортосундагы өз ара аракеттенүү бекемдөө зарыл.

Эл аралык өнөктөштүктү кеңейтүү

Форумдун алкагында Азербайжандын финансы уюмдарынын жана технологиялык компанияларынын өкүлдөрү менен эки тараптуу ишкердик жолугушуулар (В2В) өттү.

“Дос-Кредобанк” ААК азербайжан банктары менен корреспонденттик мамилелерди түзүүгө, төлөм чечимдерин интеграциялоого жана финансылык технологиялар чөйрөсүндө биргелешкен долбоорлорду өнүктүрүүгө кызыкдар экенин билдирди.

Талантбек Омуралиев Кыргызстан менен Азербайжандын ортосундагы экономикалык байланыштарды бекемдөө банк сектору үчүн жаңы мүмкүнчүлүктөрдү түзө турганын белгиледи. Мында эл аралык эсептешүүлөрдү өнүктүрүү, ишкердикке колдоо көрсөтүү, жарандар жана бизнес үчүн ыңгайлуу финансылык куралдарды түзүү өзгөчө мааниге ээ.

Санарип банктык сервистерди өнүктүрүү

Эл аралык жолугушуулардын жүрүшүндө Башкарма төрагасы “Дос-Кредобанк” ААКтын санарип трансформациялоо тажрыйбасын дагы бөлүштү.

Заманбап банктык технологияларды өнүктүрүү мисалдарынын бири Simbank мобилдик тиркемеси болуп калды, аны бүгүнкү күндө 700 миңдей адам колдонуп жатат.

Банк санарип сервистерди өнүктүрүүнү, кардарлар тажрыйбасын өркүндөтүүнү жана финансы рыногунун заманбап тенденцияларына ылайык келген, инновациялык чечимдерди киргизүү мүмкүнчүлүгүн изилдөөнү улантат.

Эл аралык таануу жана жаңы перспективалар

“Дос-Кредобанк” ААКтын Башкарма төрагасынын демилгелери Report.az, Trend.az жана Day.az сыяктуу алдыңкы азербайжан маалыматтык агенттиктеринде чагылдырылды.

Эл аралык финтех-миссияга катышуу “Дос-Кредобанк” ААКтын эл аралык деңгээлдеги иш-аракетин бекемдөөдө, ишкердик байланыштарды кеңейтүүдө жана технологиялык кызматташтык үчүн жаңы мүмкүнчүлүктөрдү түзүүдө дагы бир маанилүү кадам болуп калды.

“Дос-Кредобанк” ААК заманбап финансылык технологияларды киргизүү жана эл аралык деңгээлде өнөктөштүк мамилелерди бекемдөө менен, санарип өнүктүрүү стратегиясын ишке ашырууну улантат.