2025-жылдын 17-июнда «Дос-Кредобанк» ААК «Твой заряд» өнөктөштөрү менен кызматташуу тууралуу келишимге кол койду

Келишимдин алкагында жакынкы аралыкта Банктын айрым бөлүмдөрүндө «Твой заряд» кубаттоо станциялары орнотулат. Алар кардарларга мобилдик түзмөктөрүн ыкчам жана ыңгайлуу кубаттоого мүмкүндүк берет. Бул кадам кардарлар үчүн шарттарды жакшыртып гана тим болбостон, айлана-чөйрөгө терс таасирди азайтууга да көмөктөшөт.

• Экологиялык жоопкерчилик — Банктын туруктуу өнүгүүсүнүн негизги принциптеринин бири. Ошондуктан Банк жаратылышты коргоо демилгелерин колдогон уникалдуу «Жашыл депозит» продуктусун сунуштайт. Анын алкагында жарандар жана юридикалык жактар салган аманаттан түшкөн кирешенин 1% Кыргызстанды жашылдандырууга жана экологиялык демилгелерге багытталат.

«Биз технологиялык инновациялар жаратылышка болгон жоопкерчиликтүү мамиле менен айкалышуусу керек деп ишенебиз.»